<?xml version="1.0" encoding="UTF-8"?><song><title>Ҳаёт Китоби</title>
<lyrics>[V1]
 Мени қутқармоққа
 Жазм этган Худо.
 Қалбга илҳом бериб
 Назм этган Худо.
 Тавба қилса банда
 Базм этган Худо
 Ҳаёт китобига
 Ёзсин исмингни.
 Дўзаҳдан асрасин
 Руҳу, жисмингни.

[V2]
 Шарт эмас сен доно,
 Ё зўр бўлишинг
 Уни қизиқтирмас
 Ё &quot;ғўр&quot; бўлишинг.
 Фақат дунё учун
 Керак ўлишинг
 Ҳаёт китобига
 Ёзилгай исминг.
 Жаҳаннамда куймас
 Абадий жисминг.

[V3]
 Битта ҳақиқатни
 Тан олмоқ керак,
 Исо - Худо Ўғли
 Тан олсин юрак.
 Ўлиб тирилгани
 Рост дегин бешак
 Ҳаёт китобига
 Ёзилгай исминг.
 Дўзаҳда куймагай
 Абадий жисминг.

[V4]
 Тўккан қони азиз
 Муқаддас деб бил,
 Ўқи Каломини
 Ва айтганин қил.
 Исо Нажоткорим
 Деса агар тил
 Ҳаёт китобига
 Ёзилгай исминг
 Дўзаҳда ёнмагай
 Абадий жисминг.

[V5]
 Ишон гуноҳингни
 Кечирганига
 Барча гуноҳингни
 Ўчирганига.
 Шарафлар айтолсанг
 Худо шанига
 Ҳаёт китобига
 Ёзилгай исминг.
 Жаҳаннамда куймас
 Абадий жисминг.

[V6]
 Машаққат чекиб ҳам
 Ололмас инсон
 Солиҳлик Худодан
 Берилган инъом
 Исо номи билан
 Улуғла, ишон
 Ҳаёт китобига
 Ёзилгай исминг
 Дўзаҳда куймагай
 Абадий жисминг.</lyrics>
<author>Равшан Хизиров</author>
</song>